The Government of Nepal, through the Teachers Service Commission, has conducted an open competitive examination for the position of Secondary Level Teacher (Level-3rd class) for the Social Studies 2081. You can use this question as a guideline and modality of the questions.
Teachers Service Commission Secondary Level Third Class Teacher Position Open Competitive Examination
Social Studies Subject Examination-2081
तह : माध्यमिक
नेपाल सरकार शिक्षक सेवा आयोग
माध्यमिक तह तृतीय श्रेणी शिक्षक पदको खुला प्रतियोगितात्मक परीक्षा
विषयगत परीक्षा - २०८१
समय: ३ घण्टा
विषय: सामाजिक अध्ययन
पूर्णाङ्क १०० उत्तीर्णाङ्क : ४०
सबै प्रश्नहरु अनिवार्य छन् । प्रत्येक खण्डका लागि बेग्लाबेग्लै उत्तरपुस्तिका प्रयोग गर्नुपर्नेछ, अन्यथा उत्तर पुस्तिका रद्द हुनेछ ।
खण्ड (क)
1. नेपालमा सामाजिक अध्ययन विषयको विकासक्रमका बारेमा सविस्तार वर्णन गर्नुहोस् । वर्तमान समयमा विद्यालय तहमा सामाजिक अध्ययन विषय शिक्षणको महत्व दर्शाउनुहोस् । ६+४
2. सामाजिक अध्ययन अन्तर्गत जनसंख्या शिक्षा शिक्षणको परिचय दिनुहोस् । जनसंख्या शिक्षाको अवधारणा अध्यापनका उद्देश्यहरु बुँदागत रुपमा लेख्नुहोस् । जनसांख्यिक परिवर्तन शिक्षणमा क्षेत्र भ्रमण विधिको उपयोगका बारेमा प्रकाश पार्नुहोस् । ३+३+४
3. सूचना र सञ्चार प्रविधिको उपयोगबाट माध्यमिक तहका विद्यार्थीहरुमा कस्ता कस्ता सिपको बिकास गर्न सकिन्छ ? माध्यमिक तहमा सूचना तथा सञ्चार प्रविधि (जि.पि.एस. र जि.आई.एस. समेत) को प्रयोग सम्बन्धी विषयवस्तु अध्यापन गर्दा अपनाउनुपर्ने शिक्षण सिकाइ क्रियाकलाप समेटेर एउटा पाठयोजना तयार पार्नुहोस् । ४+६
4. माध्यमिक तहमा सामाजिक अध्ययन विषयका प्रश्नपत्र निर्माणका आधारहरुको चर्चा गर्नुहोस् । माध्यमिक शिक्षा परीक्षामा विद्यार्थीहरुलाई सामाजिक अध्ययन विषयमा उच्च सिकाइ उपलब्धि हासिल गर्न सक्ने बनाउन तपाँईका सुझावहरु बुँदागत रुपमा प्रस्तुत गर्नुहोस् । ५+५
5. नेपालमा बसाइँसराइले शहरीकरण प्रक्रियामा कस्तो प्रभाव पारिरहेको छ ? बसाइँसराइको कारणले हुने शहरी प्रदुषण रोक्न चाल्नुपर्ने कदमहरु शिक्षण गर्न उपयुक्त हुने शिक्षण विधिको सूची तयार पार्दै समस्या समाधान विधिका फाइदाहरु उल्लेख गर्नुहोस् । ३+२+५
खण्ड (ख)
6. नेपालको प्राचीन तथा मध्यकालीन सामाजिक अवस्थाको अध्ययनको औचित्य उल्लेख गर्नुहोस् । विभिन्न प्रकारका प्रकोपबाट जीर्ण भएका ऐतिहासिक तथा पुरातात्विक महत्वका स्थल एवम् वस्तुहरुको संरक्षण र सम्बर्द्धन गर्न अपनाउनु पर्ने उपायहरुको वारेमा विवेचना गर्नुहोस् । ४+६
7. सूचनाको अधिकार र सुशासन वीचको सम्बन्ध उल्लेख गर्नुहोस् । साथै, नेपालमा हाल अवलम्बन गरिएको निर्वाचन प्रणालीबाट सुशासनका समग्र पक्षहरुमा पर्न गएका सकारात्मक एवम् नकारात्मक पक्षहरुको वारेमा वस्तुनिष्ठ विवेचना गर्नुहोस् । ५+५
8. नेपालको आर्थिक विकासमा सहकारी क्षेत्रको महत्व वर्णन गर्नुहोस् । वर्तमान समयमा सहकारीको क्षेत्रमा देखा परेका समस्या समाधान गर्न अवलम्बन गर्नुपर्ने पाँचवटा मुख्य उपायहरु उल्लेख गर्नुहोस् । ५+५
9. संयुक्त राष्ट्रसंघले नेपालको विकास प्रक्रियामा खेलिरहेको भूमिका कस्तो रहेको छ ? नेपाल जस्ता विकासशील मुलुकहरुले बहुराष्ट्रिय संगठनहरुमा आवद्ध हुँदा उठाउन सक्ने लाभको बारेमा चर्चा गर्नुहोस् । ५+५
10. सामाजिक द्वन्द्व भन्नाले के बुझ्नुहुन्छ ? नेपाली समाजमा विगतमा देखिएका कुनै दुई प्रकारका सामाजिक द्वन्द्वका विशेषताहरु समीक्षा गर्दै विगतको सशस्त्र द्वन्द्व व्यवस्थापन गर्न संलग्न निकाय/ संस्थाहरुले अपनाएका उपायहरु समेत उल्लेख गर्नुहोस् । ४+६
